Oktoberfest Golf & Games 28 Oktober 2023
Hierdie jaar gaan ons Gholfdag meer as net ‘n gholfdag wees! Ons speel 9 gate gholf (putjie 10-18) en 9 “gate” Oktoberfest Games. Die golf is 4-bal vol American Scramble. Dit gaan vet pret veroorsaak. En dit beteken ook dat jy in jou vierbal aan die Oktoberfest Games gaan deelneem en dat die punte wat jy daarmaak saam met jou gholf gaan tel vir wie die wenners van die dag is en met die pryse gaan wegstap.
So gepraat van pryse – jy kan ‘n kans staan om ‘n splinternuwe Toyota Vitz te wen vir ‘n hole-in-one op die 11de putjie. Op die 15de putjie wen ‘n hole-in-one vir jou ‘n sonkrag stelsel ter waarde van R150 000 om jou huis teen beurtkrag te beskerm.
Ons gaan heerlik saam kuier en spitbraai en live musiek luister EN rugby kyk! Die Wêreldbeker finaal is dieselfde dag en ons kyk dit op die groot skerm. Kom skree saam met 400 pelle vir die Bokke – hulle GAAN MOS in die finaal wees 😉
Boek jou span se plek sommer nou! [KLIEK HIER]
Speserye vir Geloof: Preekreeks 6 Augustus – 17 September 2023
Moenie die afskop van ons nuwe Preekreeks misloop nie! Hierdie Sondag 6 Augustus begin ons met ‘n sintuiglike reis deur die Bybel en ontdek wat die Here oor Homself openbaar met die geure en smake van speserye. Hoop om jou daar te sien!
Pinksterfees 28 Mei 2023 om 18:30
Môre oggend het ons nie erediens nie, maar wel môre aand om 18:30. Dit is Pinksterfees en ons vier dit met ‘n spesiale Lofprysingsdiens en Nagmaal. Onthou om jou broodjie te bak en saam te bring vir die Nagmaal. Die resep is in hierdie week se Bybelstudie gids.
Hemelvaart 18 Mei 2023
Ons vier môre 18 Mei 2023 om 18:30 saam Hemelvaart. Die krag gaan af wees so dit gaan ‘n spesiale belewenis en atmosfeer wees. As jy ‘n klein liggie wil saam bring is jy welkom. Hoop om jou daar te sien.
Erediens 7 Mei 2023 om 8:30
REGSTELLING: A.g.v. verandering in beurtkrag skedule sal ons erediens môre 7 Mei, gewone tyd om 8:30 begin. Liedere en Slideshow sal per Whatsapp uitgestuur word. Bring asb jou foon saam om saam te kan volg.
