Ons het mos almal daar by die huis ‘n bruikbare ding wat net êrens in ‘n hoek staan en stof opgaar. Ja ek praat van daai oefenmasjien! Maar so is daar klomp ander gebruiksartikels wat jy nie noodwendig gebruik nie, maar dalk presies die ding is wat iemand anders nodig het.
So ons hou weer, soos laasjaar, ‘n Garage Sale as ‘n fondsinsamlingsprojek vir die gemeente. Maar hierdie jaar wil ons dit bietjie anders doen en van Facebook (mis)gebruik maak om dit makliker te maak en wyer te versprei.
Daarom begin ons ‘n lekker Wit Olifant-Projek met ‘n andersheid:
Jy maak ‘n aanbod op die items wat ons plaas of jy skenk ‘n item in ‘n goeie, bruikbare en verkoopbare toestand en ons doen die res.
Wees oulik en “like” en “share” sommer die post op Facebook. Ons is mos mededeelsaam en dan verkoop die items sommer vinniger.
Jy kan vir Karin by die kerkkantoor kontak oor jou Wit Olifante wat jy graag wil skenk en sommer vir haar foto’s daarvan stuur.
Dankie vir jou ondersteuning!
